සරසවිය සහ ZOOM App

සරසවිය සහ ZOOM App

පුරා දෙවසරක්

දිවා රෑ නොබලා

වෙහෙස වූවා

සිහින මැව්වා

පය තබන්නට

සරසවිය නම් පින් බිමට..

පිදුරුතලාගල කදු මුදුන පරයා

පොදි බැන්ද මා

සිහින සිතුවම්

කඩා වැටුනා දෙපා පාමුල

නොසිතූ ලෙස අප වැළදගත්

කොරෝනා වෛරසය

අභියස..

පුරා සිව් වසරක්

කෙළි දෙළෙන් නැණ ලබන්නට

මැවූ සිහිනය බොද වෙලා අද

හිරවෙලා අපි Zoom App තුළ

විලස දෛවයේ සරදම්

රටපුරා පවුරු බැදි

අපේ මිතුදම්

දෙනෙත් අභියස

මිලින වී අද,

නුදුරු දිනකදී

සිනා පිරි මුව කමල

නෙත්පුරා දැක ගන්න

දින ගනී අප

නොඉවසිල්ලෙන්...

මෙතෙක් නොදුටු

ඒ සාර වූ පින් බිම

නෙත්පුරා දකින්නට,

සිත්පුරා විඳින්නට,

සියලු බාධක බිද දමන්නට

නුදුරු දිනකම

උදා වේවා

සොදුරු වූ

වසත් කාලය..